Somos unha asociación cultural sen ánimo de lucro que naceu en Lugo no ano 2004.
Que perseguimos?
- Colaborar na dinamización cultural da cidade de Lugo e no fornecemento do seu tecido cultural.
- Contribuír á promoción do teatro galego e das artes escénicas en xeral.
- Fomentar un maior coñecemento do valor social, cultural, educativo e mesmo terapéutico das artes escénicas.
- Favorecer ó acceso á cultura teatral de colectivos socialmente vulnerables e/ou economicamente desfavorecidos.
Que facemos?
- Mantemos unha programación cultural estable e continuada ó longo do ano no Local Hipócrita.
- Creamos e poñemos en escena espectáculos teatrais de diferentes xéneros, temática e formato.
- Organizamos actividades formativas para adultos e para menores relacionadas coas artes escénicas.
- Colaboramos con outras entidades culturais e socias en diferentes proxectos.